睇之前, 完全唔知呢套戲嘅內容係咩, 睇嘅原因係身邊不斷有人話好好睇, 同埋有買一送一優惠~~入到戲院, 第一個感覺....好凍!!!! 因為我哋今次坐咗近牆嘅位置, 個冷氣風口位....就喺我哋嘅頭頂.....吹呀吹~~吹呀吹~~
呢度我係唔會講套戲講咩, 以免有人想睇~~
我好努力咁喺寒冷嘅環境下集中精神去睇完呢套戲, 睇完呢套戲, 我嘅感覺係...好攰
實在係好緊湊, 好多嘢要諗。 究竟....我而家係發緊夢...定係生活喺現實? 夢境可以係好美好, 你可以擁有好多你想要嘅事同物, 幸福美滿嘅家庭, 甚至一啲你已經失去嘅人, 你可以再見佢, 再一同生活! 感覺好好, 好似一發夢就可以解決晒所有問題! 無奈地, 我哋係生活喺現實, 好多人與事, 你都要去面對及解決!
文章
0 意見:
發佈留言