澳洲牛奶公司

其實一直對麵包, 牛奶及雞蛋冇咩特別憧憬, 亦不太鍾愛, 所以一直都未去試呢間以呢 3 種食材做主打的餐廳~~經 Bubu 再三介紹下, 我哋最終選擇咗一個去釣魚嘅早上, 特別去於 openrice 長期好評如潮嘅 "澳牛" 朝聖。

當日, 我哋唔需要點排隊就有位, 被餐廳職員安排了在呢個角落 (我好歡喜呢個角落, 好喜歡 d 格格玻璃磚窗), 因我哋會去釣魚嘅關係, 所以比較多行裝, 正當唔知將 d 行裝放喺邊嘅同時, 餐廳職員好體貼咁攞多張櫈俾我哋放行裝 (從 openrice 中得到嘅印象, 呢度嘅職員態度惡劣 ga )~~

 

 

呢個就係我哋嘅角落, 係咪好 ok 呢?

  

          
我叫咗早餐(由落單到送到, 只用咗30 秒) ~~

火腿通粉, 煎雙蛋及牛油多士d 食物一上枱, 我就知道我哋會好滿足

火腿通粉 : 有足夠嘅火腿絲, 而d 湯唔係一般嘅味精湯,
                   唔知點解, 我覺得有金華火腿嘅味道, 超正!! (我好掛住你呀!!)

煎雙蛋 :   邊邊燶燶的, 輕微脆, 充滿蛋香

牛油多士 : 厚厚的, 外脆內軟, d 牛油味啱啱好 (過多會好漏~~)

 

Bubu 叫咗蛋治, 個蛋治一到, 嘩~~~不得了, 咁厚嘅~~d蛋~~個蛋治唔止 d 蛋厚, 仲要又香又滑, 真係不得了~~師傅功夫真係去到神級~~

見到水吧位置 d 師傅摩打式咁出餐, 而又可以咁簡單嘅用料製作出咁高質素嘅食物,
真係萬分佩服!!!

用餐日期 : 2009年12月中            是次費用 : $30 / head