三河屋

呢間店舖, 若果唔係喺 openrice 人氣高企及紅磡係我活動範圍之一, 我諗單憑佢嘅門面, 我係絕對唔會入去! 呢度價錢全日一樣, 所以, 若果係食 dinner, 感覺好似實惠 d~~
(注意: 2:30p.m.-6:00p.m.係落場時間) 呢度個老闆係日本人, 但其他全是本地人,
所以除咗老闆, 其他人嘅禮貌........一般般啦~~ 雖然係咁, 我都幾歡喜呢度嘅食物!!

蟹籽沙律 $10

我個人覺得好底, 份量多過出邊連鎖壽司店, 但價錢平一半!

雜錦天婦羅飯 $48 (連麵鼓湯)

每次必食嘅食物, 當中有3隻蝦, 1件手指般長嘅沙追魚, 南瓜, 茄子, 蕃薯各一件。 而熱騰騰嘅飯上再淋上甜甜的照燒汁~~yummy~~

鰻魚飯 $48(連麵鼓湯)

本人因喺細路仔時俾媽咪迫每星期食3次鰻魚關係, 所以長大後對鰻魚有極大抗拒.......
而今次終於敵唔過佢喺呢間店舖名聲嘅引誘, 作出冒險嘅第一次~~
其實, 你哋睇到 D相, 都已經知呢個鰻魚飯真係冇得彈~~





其實, 三河屋仲有一個冇得彈食物, 就係咖喱吉列豬排飯~~有機會你一定要試~~

三河屋

紅磡明安街14號寶石戲院大廈地下D舖